Hidhet me parashutë në Llogara dhe më pas rrëzohet, plagoset 39-vjeçari nga Tirana

Një ngjarje shumë e rëndë ka ndodhur pas mesditës së sotme në Qafën e Llogorasë.

Mësohet se një 39-vjeçar nga Tirana është rrëzuar në përroin e Palasës pasi është hedhur me parashutë.

Si pasojë, i riu me iniciale L.A ka marrë disa dëmtime në trup dhe po merr ndihmën e nevojshme mjekësore në spitalin e Vlorës, dhe ndodhet jashtë rrezikut për jetën.

“Rreth orës 13:46, në Qafën e Llogorasë është hedhur me parashutë shtetasi L. A., 39 vjeç, banues në Tiranë dhe është rrëzuar në përroin e fshatit Palasë, ku si pasojë ka marrë disa dëmtime në trup dhe po merr ndihmë mjekësore në Spitalin e Vlorës, jashtë rrezikut për jetën.

Policia po kryen veprimet e mëtejshme proceduriale”, thuhet në njoftimin zyrtar të policisë.