Gjesti human i policit në Kapshticë, i paguan hotelin dhe ushqimin çiftit me 2 fëmijë

Një gjest human është bërë publik nga gazetari i Korçës Tonin Frroku. Ky i fundit shkruan se në pikën kufitare të Kapshticës, një polic i ka paguar me rrogën e tij hotelin dhe ushqimin një çifti me dy fëmijë të vegjël.

“Dje në Kapshticë. Një polic i pikës së kalimit kufitar në Kapshticë një cifti me dy fëmijë të vegjel ju pagoi hotelin dhe ushqimin. Gjë të cilën e ka bere shpesh për emigrantet që kalojne netët në këtë pike kalimi kufitar. Të gjithë e njohin shpirtin human të policit që paguan nga rroga e tij”, shkruan Frroku teksa thotë se polici nuk ka pranuar t’i përmendet emri.