Fund tragjik/ Dy djemtë dhe babai shpëtuan në Himarë, nëna e gjendet e mbytur

Ngjarja e rëndë në Himarë paraditen e sotme ka patur një fund tragjik.

Një familje u fut në det për të mbledhur rrjetat dhe për pasojë i ka zënë furtuna.

Fillimisht ka shpëtuar babai me dy djemtë, ndërsa nëna është zhdukur.

Për fat të keq raportohet se trupi i saj është gjetur i pajetë një milje përballë Dhërmiut nga Polcia Kufitare në bashkëpunim me Rojen Bregdetare.

Kujtojmë se familja në fjalë u zhduk në det pasi kishte dalë për peshkim.

Më pas, për shkak të motit të keq mjeti lundrues me të cilin udhëtonin është përmbytur.