Erdogani ‘shpalli’ luftë, Greqisë i hyn frika në palcë, ja çfarë i kërkon Turqisë

Kryeministri grek Kyriakos Mitsotakis, pas conferencës që ka mbajtur ditën e djkeshme me 27 ministrat e Bashkimit Europian sa i përket konfliktit me Turqinë, ka dhënë një intervistë për CNN, ku ka ritheksuar se i bën thirrje Turqisë të ndalojë agresionin në Mesdheun Lindor dhe ti hapë rrugë dialogut më Greqinë.

Kjo situatë e tensionuar mes dy vendeve duket se nuk do të gjejë qetësi për shumë kohë, pasi pala greke këmbëngul se nuk do të tërhiqet nga kërkimet për naftë dhe gaz në Egje.

Mitzotakis deklaroi se Greqia “nuk mund të tolerojë aktivitetet e njëanshme” të Turqisë. Sa i përket marrëveshjes së nënshkruar para disa ditësh me Egjiptin , ai tha se ajo i hap rrugë marrëveshjeve të reja me shtetet e tjera, duke nënkuptuar këtu Turqinë.

Gjithashtu edhe Departamenti Amerikan i Shtetit bëri sërish thirrje që Turqia të ndërpresë veprimet e saj në përgjigje të statusit të fundit të Navtex duke bllokuar një zonë të detit në raftin kontinental të Qipros nga 18 gusht deri më 15 shtator.

“Shtetet e Bashkuara mbeten thellësisht të shqetësuar për eksplorimin e vazhdueshëm të Turqisë për burimet natyrore në ujërat qipriote, deklaroi zëdhënësi.

Vetëm pak orë pass intervistës së kryeministrit grek, ka dhënë dorëheqjen zëvendës Admirali Alexandros Diakopoulos pas mosmarrëveshjeve dhe konfuzioneve për anijen turke “Oruc Reis.”

Kujtojmë se ditën e djeshme në Athinë u sulmua Ambasada turke, por policia ende nuk ka mundur të arrestojë asnjë person për këtë situatë të rëndë, ndërkohë që dy vendet janë të përfshirë në një konflikt të ashpër.

Turqia dhe Greqia janë në një konflikt të ashpër kohët e fundit, për shkak se qeveria turke nuk heq dorë nga kërkimi për gaz dhe naftë në zonën ekskluzive ekonomike në rajon. Lideri turk ka deklaruar se do të hakmerret nëse Greqia sulmon anijet turke në Egje, ndërsa Greqia është mbështetur nga shumë shtete, ku edhe Bashkimi Europian i kanë bërë thirrje Erdoganit për dialog.

Burimi: greekcitytimes