Ish-kryeministri i vendit, Sali Berisha ka publikuar denoncimin e një qytetari, i cili pretendon se efektivëve të Policisë së Shtetit nuk u paguhen dietat.
Në denoncimin e publikuar nga Berisha, qytetari shkruan se është pjesë e Forcave të Ndërhyrjes së Shpejtë në Tiranë dhe prej disa muajsh nuk ka marrë pagesat e asnjë diete.
“Edvin Hajduti dhe Gjeneral Hashashi nuk u japin dietat policeve. Plaçkitje! Lexoni denoncimin e policit dixhital. Pershendetje Z. Sali Berisha! Une qe te shkruaj jam polic i nderhyrjes se shpejte Tirane. Problemi yne eshte mospagimi i dietave nga qeveria,u ben ca muaj qe Fnsh Tiran,Shkoder dhe Fier nuk u paguhet asnje diete. Ne çdo sherbim ku na kerkohet po shkojme, te pakten leket tona te na i kalojne,e kemi shume te veshtire ne perballimin e shpenzimeve. Ju lutem bejeni publike,dasht zoti e shef dhe minstri dhe vendos doren ne zemer dhe kalon ndonje lek. Me respekte nga EM,”-shkruhet në mesazhin e efektivit.
