E rëndë/ Virusi shkakton një tjetër viktimë të re, humb jetën 28-vjeçari nga Shkodra

Pandemia vijon të shkaktojë humbje jete në vendin tonë.

Mësohet se një i ri 28-vjeçar është bërë viktima e 168.

I ndjeri quhet Anton Çuni dhe punonte si elektriçist pranë shërbimit të Operatorit të Shpërndarjes së Energjisë Elektrike në Shkodër.

Lajmin e ka bërë të ditur vetë OSHEE në këtë qytet, dhe ka ngushëlluar familjen dhe të njohurit e të riut për këtë humbje të madhe.

“Virusi nuk njeh moshë, aq më tepër profesion… Padrejtësisht i mori jetën kolegut tonë, elektricistit 28-vjeçar, Anton Çuni. Me hidhërim të madh, të pikëlluar, i shprehim ngushellime të sinqerta familjes, të afërme dhe miqve ? U prehtë në paqe”, -shkruan OSHEE.