E RËNDË/ Dy mjekët refuzuan ta mjekonin, ndërron jetë 36-vjeçarja

Një mjek i Qendrës Shëndetësore Shijak dhe mjekja e familjes së kësaj qendre janë proceduar penalisht, pasi kanë refuzuar të ndihmojnë pacienten që ka shkuar në qëndër për të kërkuar ndihmë. 36-vjeçarja ka ndërruar jetë, pasi ishte paraqitur disa heë në qendër për mjekim.

Pacientja M.K., 36 vjeçe, banuese në Shijak, pasi ishte paraqitur disa herë për mjekim në Qendrën  Shëndetësore Shijak, ka shkuar në shtëpi e më pas më datë 19.08.2020, është dërguar  në Spitalin Rajonal Durrës ku dhe ka ndërruar jetë.

Njoftimi i policisë

Specialistët për Hetimin e Krimeve në Komisariatin e Policisë Shijak, proceduan penalisht  në gjendje të lirë shtetasit M.S., 49 vjeç, banues në Durrës, me detyrë mjek i urgjencës pranë qendrës shëndetësore Shijak dhe O.S., 27 vjeçe, banuese në Tiranë, me  detyrë mjeke e familjes pranë qendrës shëndetësore Shijak.

Procedimi ndaj tyre ka filluar pasi dyshohet se nuk i kanë dhënë mjekimin e duhur shtetases M.K., 36 vjeçe, banuese në Shijak, e cila pasi ishte paraqitur disa herë për mjekim në Qendrën  Shëndetësore Shijak, ka shkuar në banesë e më pas më datë 19.08.2020, është dërguar  në Spitalin Rajonal Durrës ku dhe ka ndërruar jetë.

Materialet i kaluan Prokurorisë së Rrethit Durrës për veprën penale “Mjekim i pakujdesshëm”.