“E pyeta ku është vajza”, vdekja e 17-vjeçares, zbardhet dëshmia e pronarit: Ma morën me qera skafin, Indriti doli në breg pa vajzën

Zbardhet dëshmia e pronarit të motoskafit në Velipojë, aty ku gjeti vdekjen 17-vjeçarja Enisa Doda.

Sipas mjekësisë ligjore, vajza ka vdekur si pasojë e mbytjes teksa hetimet thonë se i riu që ishte në skaf me të, Indrit Bajraktari, nuk i ka dhënë asnjë ndihmë por ka nxituar të dalë nga deti dhe më vonë ka tentuar të largohet nga vendi i ngjarjes.

Pronari i skafit ka pohuar se dy të rinjtë kanë kërkuar me qera skafin për 30 minuta. Një pushues i tha pronarit se një nga të rinjtë po mbytej.

Pronari hyri në det pak më vonë ka vënë re Indritin teksa po dilte me not i vetëm dhe menjëherë e ka pyetur se ku ishte vajza.

Indriti i ka thënë se vajza ka takuar në breg xhaxhain dhe ishte me të por pronari ka dyshuar teksa i riu ka tentuar të largohet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mirëpo pronari nuk e ka lejuar dhe i ka kërkuar Indritit ta çojë aty ku është vajza.

Së bashku kanë ecur për 20 minuta ndërsa pas kësaj, pronari ka telefonuar menjëherë policinë e cila ka ndaluar Bajraktarin.