Një ngjarje e pazakontë ka ndodhur së fundmi në Itali.
Mësohet se një burrë me origjinë shqiptare ka rënë nga ballkoni rreth 4 metra i lartë, pas sherrit me gruan e tij.
Sipas medias vendase “La Repubblica” 46-vjeçari ka përfunduar në gjendje të rëndë shëndetësore në spital.
Ngjarja ka ndodhur pak para orës 01:00, ku ai ndodhej në banesë me gruan dhe vajzzën në Andorno Micca në Biellese.
Fillimisht ai filloi të grindej dhunshëm duke shkatërruar orenditë shtëpiake pasi ishte në gjendje të dehur.
Ai theu disa pjesë të mobiljeve, pastaj xhamat dhe në fund kur mbërritën karabinierët, u mbyll në një dhomë.
Në atë moment, me siguri në përpjekje për t’i shpëtuar arrestimit, duke jetuar në katin e dytë, ai shkoi në ballkon ku rrëshqiti dhe ra.
Shqiptari u dërgua në spitalin Biella, ku ruhet nga karabinierët, të cilët po hetojnë për zbardhjen e plotë të rastit.