E liruan nga burgu/ Tani në arrest shtëpie, “Zogu i Tironës” merr lajmin e keq

Tre muaj më parë moderatori i njohur Hermes Nikaj u lirua nga qelia e burgut 313.

Ai ndejti aty për 5 muaj pasi mbi të rëndoi akuza për “shfrytëzim dhe ushtrim prostitucioni”.

Por edhe pse tashmë është liruar disi nga kjo akuzë dhe vijon arrestin e shtëpisë, duket se “Zogu i Tiranës”nuk do ta ketë aspak të lehtë.

Së fundmi mësohet se Prokuroria e Tiranës ka vendosur t’i shtyjë edhe tre muaj të tjera hetimet ndaj çështjes në ngarkim të Hermes Nikajt.

Bëhet me dije se para pak ditësh, gazetari është paraqitur në ambientet e Drejtorisë së Policisë, ku i është komunikuar nga oficerët e Policisë Gjyqësore shtyrja e hetimeve sërish edhe me tre muaj të tjerë shqyrtim të çështjes për akuzat e prostitucionit.

Megjithatë, të afërm thonë se Nikaj nuk do t’i kthehet më qelisë së burgut dhe kjo për shkak se Gjykata ka vendosur që në ngarkim të tij të mos ketë masa të tjera sigurimi personal “arrest në burg”.

Kujtojmë se Nikaj u arrestua pas përgjimeve që e implikuan si pjesë të një grupi, që sipas Prokurorisë kryente prostitucion kundrejt pagesës. Përgjimet e publikuara në media nxorën në dritë përfshirjen e një sërë personazhesh të tjera të njohura nga bota e showbizz-it.