“Duroni pak sa të mbledhim dorën e parë”, Hoxha bëhet nostalgjik nga parcela me kanabis

Gazetari Artan Hoxha ka hapur arkivat dhe ka postuar videon e para 4 viteve, ku shihet në parcelat e mbushura me kanabis.

Në krah të videos ai shkruan se është rritur çmimi i hashashit në tregun ndërkombëtar dhe në atë vendas.

Sipas tij ka vetëm parcela të vogla të mbjella e jo më hektarë si më parë.

Gazetari shton se është rritur fuqia punëtore në këtë “biznes”, pasi pagat e luftës nuk mbërritën kurrë tek ata që kishin nevojë. Në fund ai bën thirrjen se vetëm duhet të keni pak durim se do të mblidhet së shpejti dora e parë e prodhimit.

Postimi i plotë:

Nostalgji…
Duke germuar ne arkive…
U ka marre malli per pak gjelberim, ne keto dite te nxehta vere?!
Nuk ka ndryshuar ndonje gje e madhe.
Thjeshte eshte rritur çmimi ne tregun nderkombetar dhe padiskutim eshte rritur çmimi ne tregun vendas.
Nese para 4 vitesh, kushtonte 1000 euro kur e zbarkoje ne Itali, sot 1000 euro, ta blejne ne fund te parceles.
U shtua fuqia punetore, nga krahu i lire qe e izoloi covid19 ne Shqiperi, apo nga “pagat e luftes” te paketes Rama-Ahmetaj, qe nuk mberriten kurre tek ata qe ishin te papune.
Sigurisht nuk ka me parcela te mbjella me hektare te tere, por ka parcela te vogla, shperndare si kerpudhat mbas shiut, ne te gjithe vendin…
Jemi mire, jemi mire…
Duroni dhe pak dite, sa te mbledhim doren e pare te prodhimit…