LIGJET E BIZNESIT
Një qytetar, e ka krahasuar pritjen në radhë në piëkn e kalimit kufitar në Kakavijë, me torturat e Hitlerit. I ndodhur tashmë pranë kufirit dhe teksa flet për vuajtjet që ka kaluar, shprehet se në Shqipëri e ka sjellë vdekja e nënës së tij dhe se ka mbetur pa fjalë nga kjo pritje.
“Nuk dimë si ta shprehim, këtë radhë që kaluam është më keq se torturat që bënte Hitleri, gjynah që në 2020 të bëhen gjëra të tilla. As nuk e menduam të kthehemi në shtëpi, mora në telefon stacionin grek. U thashë do derdhim gjak, erdha për të varrosur mamanë, s’mund ta mbyllë kufirin, paguaj taksat në Shqipëri dhe Greqi, minoritar jam nga Delvina. Janë gjëra që nuk kam fjalë si të shprehem. Autoritet na erdhën, me ujë e me gjëra, shumë faleminderit për këto gjëra por nuk do vijmë më. Do rrini vetëm. Unë taksa paguaj si në Shqipëri dhe në Greqi,”- tregon ai.
Momenti në minutën 14:00
https://youtu.be/tUW5HIrIBD8
Tashmë makthit në Kakavijë i ka ardhur fundi, pas pesë ditësh pritje. Pala greke u tregua tolerante duke lejuar kalimin e kuotës vetëm për sot dhe pritet që në orën 22:00 të përfundojë e gjithë radha. Duke filluar nga nesër, kushdo që shkon në Greqi ka një javë detyrim në karantinë dhe duhet të paraqesë përgjigjen negative të Covid-19.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
