Ditë zie për Forcat e Armatosura, humb jetë kolonel Neshat Shena

Ditën e sotme është ndarë nga jeta komandanti i Qendrës së Bashkuar Operacionale, kolonel Neshet Shena.

Pas këtij lajmi të hidhur ka reaguar edhe ministrja e Mbrojtjes, Olta Xhaçka. Ajo shpreh ngushëllimet më të ndjera familjes së colonel Shenës.

Xhaçka shpreh mirënjohje ndaj punës 35-vjeçare të kolonelit dhe e konsideron si një nga oficerët më të përkushtuar të Fa.

“Pas një beteje të vështirë me një sëmundje të rëndë, kolonel Neshet Shena, komandanti i Qendrës së Bashkuar Operacionale, u nda nga jeta duke lënë në hidherim familjen dhe të gjithë ata që e njohën dhe punuan me të, në 35 vite të karrierës në Forcat e Armatosura. Mirënjohje pa kufi për kontributin njerëzor e profesional të një prej oficerëve më të përkushtuar në FA. Ngushëllimet më të ndjera bashkëshortes e dy djemve. U prehsh në paqe, kolonel Shena,” shkruan Xhaçka.