Detaje nga policia: Motorri përplas 8-vjeçarin me biçikletë në Tiranë

Motorri ka përplasur një 8-vjeçar në orët e vona të Tiranës, pranë 21 Dhjetorit.

Policia njofton se i mituri ndodhet në spital dhe është jashtë rrezikut për jetën.

Njoftimi i policisë:

Me datë 06.08.2020, rreth orës 22:10, tek 21 Dhjetori, mjet motorr me drejtues shtetasin SH.K., është përplasur me biçiklistin e mitur A.H., 8 vjeç, i cili u dërgua në spital, dhe ndodhet jashtë rrezikut për jetën. Drejtuesi i motorrit ndodhet në vendngjarje.

Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes.