‘Deklaroni pasurinë brenda 48 orësh’ OFL ultimatum 3 ‘të fortëve’ të rradhës (EMRAT)

Operacioni Forca e Ligjit nuk është ndalur as ditën e sotme.

Mësohet se tre personazhet e rradhës nën shënjestër janë: Artur Guri, Elton Andreica (Muça) dhe Dylber Adema.

Sipas informacioneve ata janë dënuar për vepra penale si: eksportimi i drogave, vjedhje me armë e trafik narkotikësh. Të dënuarit kanë 48 orë kohë për t’iu përgjigjur pyetjeve me shkrim për vetëdeklarimin e burimeve të pasurisë.

NJOFTIMI ZYRTAR I POLICISE

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

1. G., banues në Tiranë, i dënuar në Turqi për veprën penale “Eksportimi i drogave”, parashikuar nga legjislacioni penal i Turqisë;
2. A. (M.), banues në Tiranë, i dënuar për veprën penale “Vjedhja me armë”;
3. A., banues në Kukës, i dënuar për veprën penale “Trafikimi i Narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.