Dy punonjës së Agjensisë së Zonave të Mbrojtura në Vlorës janë konfirmuar pozitivë në analizat e koronavirusit. Ndërkaq, si pasojë e këtyre rezultateve është mbyllur ky insitucion.
Sipas raportimeve të deritanishme mësohet se ky institucion do të qëndrojë i mbyllur për 14 ditë, ndërkohë që është karantinuar edhe pjesa tjetër e stafit të punonjësve.
Ndërsa ky nuk është i vetmi institucion i cili është mbyllur, pasi në 2 ditët e fundit janë kyçur dyert tre institucione.
Gjykata e Apelit u mbyll dy ditë më parë, Agjencia e Zonave të Mbrojtura ditën e sotme ndërsa ditën e djeshme u mbyll pjesërisht Agjencia Kombëtare e Ushqimit, ndërkohë që pak kohë më parë është mbyllur edh egjendja civile në Vlorë, por që tashmë ka rinisur punën.
Gjithashtu e mbyllur për 1 javë qëndroi e mbyllur edhe Bashkia, por i është rikthyer punës në normalitet.
