Ça do të ndodhë me pasurinë e Ylli Ndroqit dhe fatin e Ora News?

Ditën e nesërme, në orën 10:00 Gjykata e Apelit do të marrë vendimin për pasuritë e manjatit të medias, Ylli Ndroqi.

Avokati Alban Qafa tha para mediave se pasuria e Ylli Ndroqi është 100% e ligjshme.

“Ne kemi kërkuar shfuqëzimin e vendimit dhe heqjen e sekuestros”, tha avokati teksa bëri me dije se ka depozituar një provë të re.

Kujtojmë se mes pronave të sekuestruara janë edhe dy televizionet “Ora” dhe “Ora News”.

“Zoti Ndroqi nuk i fshihet drejtësisë. Keni një mal me prova atje, fatura të grupit Yldon me libër shitjesh. Janë mbi 10 fashikuj me libra shitjesh, Televizioni nuk shitet te noteri, e miraton AMA.

Të gjitha provat që ka zoti Ndroqi do i bëjë publike në kohën e duhur”, tha avokati.