Berat/ Stafi mjekësor, tregtarë, punonjës administrate dhe banke dalin pozitivë me koronavirus

Situata në qarkun e Beratit sa vjen dhe bëhet më shqetësuese.

Raportohet se një mjek, një infermiere dhe farmacistja e spitalit të Beratit kanë rezultuar pozitivë me COVID-19.

Covid-19 ka prekur një punonjëse të bashkisë Dimal (ish-Ura Vajgurore).

Në tregun e vetëm të qytetit të Kuçovës kanë dalë “pozitivë” edhe 2 tregtarë të tjerë, pas infektimit të disa ditëve më parë të një çifti bashkëshortësh që kishin një byrektore brenda tregut.

Shtim të rasteve të reja ka pasur edhe në banka. Në filialin e një banke të nivelit të dytë në Berat, dy punonjës kanë rezultuar “pozitivë”.

Përveç rasteve ty reja, të shumta në numër janë edhe rastet e kontaktit të personave të infektuar.

Gjatë 5-ditëve të fundit drejt Spitalit Covid në Tiranë janë nisur nga Berati 3 raste të rënda me koronavirus.

Numri i rasteve aktive në qarkun e Beratit ka arritur në 78.