Arritja e madhe/ Pas mesazhit të Dua Lipës dhe Rita Orës, Kosova vendoset në hartat e ‘Apple’

Pak kohë më parë, shqiptarët ndërmorën një nisëm ku viheshin në dukje gabimet e hartës së kompanisë Apple.

Kufinjtë e Serbisë dhe të Kosovës ishin të paqartë, dhe me sy dukej sikur Kosova ishte pjesë e Serbisë.

Duke parë këtë situatë, u krijua një peticion si kërkesë ndaj kompanisë Apple, në mënyrë që harta të rregullohet dhe Kosova të vendoset saktë si një shtet i pavarur.

Peticioni gjeti mbështetjen edhe të shumë personazheve të njohura shqiptare, përmendim këtu edhe këngëtaret me famë botërore Rita Ora dhe Dua Lipa.
Peticioni u firmos nga 197,175 persona. Krijuesja e peticionit dha lajmin e mirë se synimi u arrit me sukses:
” Fitore! Bashkimi bën fuqinë! Jam krenare t’ju them se Kosova është vendosur në hartën e Apple! Faleminderit për suportin tuaj!”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern