Djali i presidentit të Kosovës Hashim Thaçi, Endriti ka pësuar një aksident automobilistik.
Sipas asaj që raportojnë mediat kosovare, ngjarja ka ndodhur mëngjesin e sotëm.
Endrit Thaçi ka qenë duke udhëtuar me automjetin e tij, në momentin që është aksidentuar në rrugën Prishtinë – Ferizaj.
Aksidenti u shënua rreth orës 05:25 të mëngjesit, te rreth rrotullimi afër Stacionit Policor Jugu. Aty u përfshinë tre automjete. Endrit Thaçi është dërguar në spital dhe pas marrjes së ndihmës mjekësore është kthyer në banesën e tij.
Një tjetër person i përfshirë në aksident ka mbetur i plagosur dhe ndodhet ende në spital. Identiteti i tij nuk dihet.
Po punohet për zbardhjen e shkakut të aksidentit.
“Sot në ora 05:25 në rrugën Prishtinë – Ferizaj, te rreth rrotullimi afër Stacionit Policor Jugu, ka ndodhur një aksident në mes të tri automjeteve. Si pasojë e aksidentit një person është lënduar. Me rastin po merret njësiti i trafikut”, thuhet në njoftimin zyrtar të policisë.