Aksident masiv në Itali/ Plagoset familja shqiptare, nëna dhe vajza dërgohen me helikopter në spital

Një aksident masiv ka ndodhur në Gjenova të Italisë.

Mësohet se 6 makina janë përplasur me një kamion dhe si pasojë janë plagosur 5 persona, mes të cilëve edhe fëmijë.

Në aksident është përfshirë edhe një familje shqiptare bashkë me vajzën 2-vjeçare.

Nga familja shqiptare kanë përfunduar në spital 3 persona. Nëna 22 vjeçare dhe vajza e saj 2 vjeçe, pasi janë nxjerrë nga makina e shkatërruar, janë dërguar urgjentisht në spital me helikopter. Më pas është dërguar në spital edhe kryefamiljari.

Fatmirësisht e vogla ndodhet jashtë rrezikut për jetën, pasi plagët e marra janë të lehta.