Një aksident automobilistik ka ndodhur në aksin rrugor Elbasan-Peqin.
Tri makina janë përplasur me njëra-tjetrën dhe për pasojë një pasagjer ka mbetur i pla gosur dhe është dërguar me urgjencë në spital.
Gjithashtu i plagosur ka mbetur dhe një këmbësor, i cili tentoi të kalonte nga njëra anë e rrugës në tjetrën në vendin e quajtur “Mbikalimi” pranë Paraburgimit të Bradasheshit.
Dinamika
Njëra prej makinave në mënyrë që të shmangte përplasjen fatale me këmbësorin, ka devijuar dhe për pasojë ka goditur makinat e tjera. Fatmirësisht këmbësori ka pësuar vetëm dëmtime por pa rrezik për jetën.
Ndërkohë tri automjetet e përfshirë në aksident kanë pësuar dëme materiale. Policia ka mbërritur në vendin e ngjarjes dhe po punon për dokumentimin e plotë të rrethanave të ngjarjes.
Njoftimi i policisë
Elbasan/ Informacion paraprak
Në aksin rrugor Elbasan- Peqin, në fshatin Bradashesh, mjeti fugon tip “Benz”, me drejtues shtetasin A.Gj., 27 vjeç, banues në Vlorë, është përplasur me mjetet tip “Volksëagen”, me drejtues shtetasin G.M., 37 vjeç, banues në Elbasan dhe me mjetin tip “Benz”, me drejtues shtetasin Gj.H., 51 vjeç, banues në Tiranë. Si pasojë e aksidentit është plagosur pasagjeri i mjetit “Volksëagen” shtetasi Q.M., 56 vjeç, banues në Elbasan , jashtë rrezikut për jetën. Grupi hetimor ndodhet në vendngjarje dhe po punon për zbardhjen e shkakut të aksidentit.
