Zbardhen detaje të reja nga ngacmimi seksual i 13 vjeçares në Kavajë nga një 60 vjeçar.
Bëhet me dije se vajza dhe i moshuari ndodheshin në të njëjtin vend me pushime në Golem, ndërsa ajo ishte e shoqëruar nga familja e saj.
E mitura në dëshminë e saj ka thënë se ai e ka ngacmuar me fjalë dhe më pas i është afruar dhe e ka prekur në vende intime, bën me dije abc news.
Kurse 60-vjeçari nuk ka pranuar ta ketë ngacmuar 13-vjeçaren, dhe as ta ketë prekur.
“Unë e njoh prej kohësh, familja e saj dhe ne jemi në të njëjtin vend kur vijmë me pushime, nuk është e vërtetë që e kam prekur vajzën apo kam pasur tendenca për të tilla veprime”, ka thënë ai në dëshminë e tij.
