LIGJET E BIZNESIT
Tre motra nga Rusia, Kristina, Angelina dhe Maria, përkatësisht 19, 18 dhe 17 vjeçe, vranë babainë e tyre sepse abuzonte seksualisht me to për vite me radhë.
Ato rrezikojnë të dënohen deri në 15 vite burg.
Mësohet se trupi i pajetë i viktimës u gjet në shkallët e një apartamenti në Moskë.
Disa orë para se të ndodhte ngjarja, 57-vjeçari ishte kthyer nga një klinikë psikiatrike dhe ishte konfliktuar me vajzat duke i kërcënuar me thikë. Ai ka qenë i varur nga drogat e tipit heroinë dhe ka pasur lidhje me grupe kriminale.
Në momentin e arrestimit, vajza më e madhë është shprehur se e urrenin të atin, prandaj donin ta zhduknin. Ndër të tjera janë shprehur se kishin prova të mjaftueshme që babai i detyronte të kryenin akte seksuale.
Sipas psikologëve, vajzat kanë sëmundje serioze mendore, duke përfshirë çrregullimin e stresit post traumatik. Avokatët mbrojtës kërkojnë që 3 të pandehurat të trajtohen si viktima.
