Ne e dimë se virusi mund të hyjë në trup përmes hundës dhe gojës, referuar rekomandimeve të vazhdueshme të mjekëve për të vendosur maska fytyre dhe për të praktikuar distancën sociale.
Po sytë? A duhet të vendosim të gjithë syze apo mburoja fytyre?
“Sigurisht që është e mundur që një person mund ta marrë virusin përmes syve”, tha Dr. Thomas Steinemann, një zëdhënës klinik i Akademisë Amerikane të Ophthalmology, raporton CNN.
“Ekzistojnë “dëshmi të reja” që njerëzit janë duke e marrë virusin nga pikat që qarkullojnë në ajër”, konfirmoi Organizata Botërore e Shëndetit në fillim të këtij muaji.
“Një nga mënyrat që ato pikat mund të hyjnë në trupin tuaj është përmes syve. Është gjithashtu e mundur që të infektoheni duke prekur një sipërfaqe të kontaminuar dhe më pas duke prekur syrin”, sipas Qendrave për Kontrollin dhe Parandalimin e Sëmundjeve.
“Po, është në ajër,” i tha Steinemann CNN. “A mund të hyjë në sy? Sigurisht”.
“Kontraktimi i virusit përmes syve tuaj ka të ngjarë të ketë më pak shans se ta merrni atë përmes hundës ose gojës ose ta thithni atë”, tha Steinemann.
“Konsideroni gjithashtu rrugën që duhet të marrë virusi për t’ju infektuar. Do të duhej të infektonte sipërfaqen e syrit tuaj dhe të çohej në hundë përmes lotëve tuaj”, tha ai. Nga hunda, do të udhëtonte në gojë ose në fyt, dhe prej andej në rrugët e frymëmarrjes dhe në mushkëri.
“Kjo është një rrugë mjaft qarkulluese,” tha Steinemann. “Por unë dua të theksoj se është sigurisht e mundshme.”
