Zgjedhjet në universitete/ Vokshi e indinjuar: Edhe kutitë e votimit kishin logon e PS

Ditën e sotme janë zhvillaur zgjedhjet për rector në universitetet e vendit.

Ka reaguar ish-deputetja e PD-së, Albana Vokshi, në lidhje me mënyrën sesi u zhvilluan. Sipas Vokshit, zgjedhjet për rector ishin si ato të 30 qershorit, pa garë e pa konkurencë.

Ish-deputetja shkruan se fituesit ishin vendosur më parë dhe ka vënë në dukje në detaj në kutitë e votimit, ku duken se janë me logon e PS-së.

Ndër të tjera, Vokshi shkruan se nxënësve ju desh të qendronin me orë të tëra në turma, duke vënë në rrezik shëndetin e tyre.

Reagimi i Vokshit

Zgjedhjet në universitete, farsa që zhbën autonominë e universiteteve

Njësoj si zgjedhjet politike të 30 Qershorit vjet, zgjedhjet në universitetet sot ishin të paracaktuara, pa garë, me shumicën e studentëve të përjashtuar nga zgjedhjet me vendim qeverie.

Fituesit ishin të paracaktuar.

U zhvillua e njëjta skemë si në zgjedhjet lokale, u bë i njëjti shantazh dhe presion ndaj studentëve e ndaj pedagogëve. U përdor e njëjta infrastrukturë partiake. Edhe kutitë e votimit ishin me logo të PS, gjë që ndalohet kategorikisht nga ligji I arsimit të lartë.

– Pa fushatë

– Pa garë

– Pa ide

– Pa programe

– Pa alternativa

– Me kanidatë të paracaktuar nga Edi Rama dhe Partia shtet

Në një proces kriminal, të dhunuar në të drejtën e tyre kushtetuese për të votuar e për t’u votuar, të shantazhuar për notë apo për të ardhmen e tyre, studentët u detyruan të qëndronin me orë të tëra në turma, përpara Fakultetit të Drejtësisë, pa maska a distancim social, në rrezik ekstrem për shëndetin dhe jetën e tyre.

Kandidatët për rektorë, dekanë, anëtarë të KIZ (ilegjitim), qëllimshëm caktuan datat e provimeve sot, për të rritur pjesëmarrjen e studentëve, duke rrezikuar shëndetin e tyre, me qëllimin e vetëm uzurpimin e Institucioneve të Arsimit të Lartë dhe pushtetin.

Aktet ligjore ndalojnë turma të tilla, por kur ligji shkelet në emër të Ramës, institucionet ligjzbatuese mbyllin sytë, sepse jeta e studentëve dhe e pedagogëve nuk ka asnjë rëndësi për Edi Ramën përpara qëllimit të tij për të uzurpuar edhe universitetet.

Partia Demokratike, nesër në drejtimin e vendit, do të ketë prioritet kryesor të parë të saj garantimin e kushteve për zgjedhje të lira e të ndershme, që respektojnë të drejtën kushtetuese për të zgjedhur dhe autonominë e universiteteve.