LIGJET E BIZNESIT
Operacioni Forca e Ligjit ka vijuar punën edhe ditën e sotme, ku ka dërguar formularin për deklarimin e pasurisë në drejtim të 4 shtetasve të dënuar për prodhim, shitje, trafik lëndësh narkotike dhe vrasje.
Ndërkohë ata duhet ti përgjigjen kësaj kërkese brenda 48 orëve.
Mësohet se këta shtetas janë:
Jorgo Zguri, i dënuar për prodhim dhe shitje narkotikësh;
Kristi Pojani, i dënuar për prodhim dhe shitje narkotikësh;
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjergji Ziu, i dënuar për vrasje me paramendim, mbetur në tentativë;
Bashkim Demrozi, i dënuar për prodhim dhe shitje narkotikësh.
Përgjigjet më pas do t’i dërgohet SPAK-ut për veprime të mëtejshme.
Njoftimi i plotë:
OFL, 15 korrik
Në zbatim të detyrave të përcaktuara në Aktin Normativ të datës 31 janar 2020, vijon pa ndërprerë Operacioni Forca e Ligjit.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
J.Z., banues në Korçë, i dënuar për veprën penale “Prodhimi dhe shitja e narkotikëve”;
K.P., banues në Korçë, i dënuar për veprën penale “Prodhimi dhe shitja e narkotikëve”, kryer në bashkëpunim;
Gj.Z., banues në Korçë, i dënuar për veprën penale “Vrasje me paramendim”, mbetur në tentative, kryer në bashkëpunim;
B.D., banues në Kavajë, i dënuar për veprën penale “Trafikimi i narkotikëve”, mbetur në tentativë.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
