Vrasja në Elbasan/ Zbardhen detaje të reja, viktima person me precedentë penal

Ditën e sotme mbeti i vrarë një 39-vjeçar, Emiljano Ramazani, nga qyteti i Elbasanit. Ai humbi jetën si pasojë e një atentati të zhvilluar në drejtim të tij.

Ramazani është qëlluar nga një makinë në ecje, në lagjen “28 nëntori”, pranë pallatit ku banonte. Mësohet se autorët janë larguar në drejtim të Peqinit, ku kanë djegur makinën në fshatin Vidhas.

Ndërkohë mësohet se Emiljano Ramazani ishte një person me precedentë penal të mëparshëm. Në 2017 ai është arrestuar gjatë operacionit të koduar “Porosia e fundit”. Ai ka qenë duke udhëtuar me Marenglen Kamamin dhe iu gjetën në makinë 10 doza kokaine, 14 aparate celularë dhe 50.000 lekë.