Zhvillime të forta politike në rajon.
Procesi i numërimit të votave pas zgjedhjeve në Maqedoninë e Veriut është drejt fundit.
Sipas asaj që raporton Komisioni Shtetëror i Zgjedhjeve, janë numëruar deri tani 96 përqind e votave, ku shqiptarët në Maqedoni kanë arritur të fitojnë 33 mandate deputeti.
Sipas numërimeve zyrtare të KSHZ, Bashkimi Demokratik për Integrim ka fituar 16 mandate, Aleanca për Shqiptarët 12, Partia Demokratike Shqiptare 1 mandat dhe Lëvizja BESA, e cila garoi në koalicion me LSDM, 4 mandate.
Ndërkohë, LSDM ka fituar 45 mandate, ndërsa VMRO 44 mandate.
Megjithatë, këto janë rezultatet e para nga ana e KSHZ-së.
