“Vendimin final e jep Gjykata Kushtetuese” Ulsi Manja bën deklaratën e fortë për shkarkimin e Metës

Ka nisur seanca plenare në Kuvendin e Shqipërisë për të diskutuar shkarkimin e presidentit Ilir Meta.

Ndërkohë ka folur dhe kreu i Komisionit Hetimor që u ngrit për këtë çështje, Ulsi Manja.

Ai ka raportuar gjetjet e Komisionit duke thënë se dhe nëse deputetët ngrenë kartonat për ta shkarkuar, është Gjykata Kushtetuese ajo që do të japë vendimin final.

“Për të qenë të qartë për opinion publik, edhe nëse seanca plenare voton kërkesën për shkarkimin e Presidentit, është Gjykata Kushtetuese ajo që jep verdiktin fianl. Lidhur me raportin që ju keni përpara dhe që është voluminoz, për të cilin ky komision ka administruar prej një viti të gjitha faktet dhe provat, Komisioni kishte për qëllim ligjshmërinë e veprimeve të Presidentit të Republikës”, u shpreh Manja.