LIGJET E BIZNESIT
Ditën e sotme ka humbur jetën një 27-vjeçar nga qyteti i Kavajës. Mësohet se ai ishte infektuar me virusin dhe ishte asimptomatik ndaj tij.
Në media u përhap lajmi se të riut nuk iu ofrua shërbimi i duhur mjekësor dhe prandaj humbi edhe jetën.
Pas këtij lajmi ka reaguar Urgjenca Kombëtare dhe ka treguar se i riu mori menjëherë ndihmën mjekësore përmes një grupi mjekësh nga spitali i Kavajës. Pas rreth 1 ore ai ka telefonuar sërish, duke u shprehur se nuk kishte përmirësim.
Po atë ditë, 27-vjeçari u nis me urgjencë drejt QSUT-së në Tiranë. Ai vuante nga drepanocitoza dhe hepatiti B.
Reagimi i plotë i Urgjencës Kombëtare:
Qendra Kombëtare e Urgjencës Mjekësore sqaron opinionin publik në lidhje me humbjenn e jetës së 27-vjeçarit nga Kavaja.
QKUM ngushëllon familjarët për humbjen e jetës së djalit 27 vjeçar.
Lidhur me dezinformimin e përhapur në media se të riut i është mohuar shërbimi mjekësor, sqarojmë si vijon:
Pacienti me inicialet A.C, 27 vjeç, ka telefonuar për herë të parë në numrin unik të Urgjencës Kombëtare 127, në datën 21 Korrik, rreth orës 14:00. Pacienti referon se është pozitiv nga virusi dhe vuante nga drepanocitoza dhe hepatiti B. Ka shkuar ekipi mjeksor i spitalit Kavajë dhe pasi e ka bërë vizitën mjeksore ka aplikuar një terapi për qetësimin e simptomave të sëmundjes. Pacienti ishte vizituar edhe nga një mjek pneumolog dhe kishte bërë një konsulencë me mjekun hematolog. Pas një ore qytetari telefonon përsëri 127 duke referuar se nuk po qetësohej. Është dërguar përsëri ekipi mjeksor dhe pacienti është transportuar në spitalin infektiv në QSUT në Tiranë, ku është shtruar që prej datës 21 korrik me kod të verdhë, brenda ditës kur ka telefonuar. (rekordet bashkëlidhur).
Duke hedhur poshtë cdo aludim të pavërtetë për punën e palodhur të ekipeve mjekësore të Urgjencës mjeksore, sqarojmë opinionin publik se Urgjenca Kombëtare është në shërbim 24/7 me profesionalizëm për t’ju përgjigjur nevojave të qytetarëve, jo vetëm pacientëve me virusin, por të gjitha patologjive në të gjithë vendin.
27 vjeçari ka marrë ndihmën mjekësore për disa ditë në spitalin infektiv, ku megjithë përpjekjet e stafit, nuk ka mundur të mbijetojë si pasojë e aksidentit cerebral vascular. 27 vjecari vuante nga një sëmundje e lindur e gjakut dhe ishte asimptomatik për virusin.
