Vdekja e 16-vjeçares shqiptare Maria Hyseni në Trikala është një ngjarje që vazhdon të mbetet mister. Nuk dihet ende nëse vdekja e të miturës ishte vrasje apo vetvrasje.
Familja e saj është duke u përballur çdo ditë me fakte të reja e tronditëse për të bijën.
Ata përjetuan një traumë të madhe teksa ndodheshin në zyrën e avokatit të familjes Hyseni, Dimitris Samartzis. Nëna e të miturës kërkoi me ngulm të shihte fotot nga vendi ku u gjen e vdekur Maria, pasi ato përfshihen në dosjen hetimore. Nëna e adoleshentes kërkoi që t’i shihte fotot me gjithë paralajmërimin se ato ishin të rënda dhe nuk mund të duronte dot.
Ajo u shëmb menjëherë në tokë, pasi pa me sytë e saj plagët që i morën jetën së bijës.