Tre të mitur rrezikuan jetën në det, përfundojnë në spital

Tre të mitur, të cilët po laheshin në det, rrezikuan të mbyteshin. Ata u shpëtuan nga policia, rojet bregdetare dhe disa pushues që ndodheshin aty pranë.

Tre shtetasit ishin të moshës 12, 13 dhe 17 vjeç, banues në fshatin Tërbuf, Divjakë.

Policia njofton se ata aktualisht ndodhen në spitalin e Lushnjës dhe janë jashtë rrezikut për jetën.

Njoftimi i policisë:

Divjakë

Policia, rojat e kullave, disa pushues dhe bluzat e bardha shpëtojnë 3 shtetas të mitur nga mbytja në det.

Efektivët e Komisariatit të Policisë Divjakë, të cilët patrullojnë përgjatë vijës bregdetare në Plazhin e Divjakës, në bashkëpunim me rojët e kullave të stacionuar në bregdet dhe disa pushues të tjerë që ndodheshin aty, pasditen e sotme kanë shpëtuar nga mbytja 3 shtetas të mitur të moshës 12, 13 dhe 17 vjeç, banues në fshatin Tërbuf, Divjakë.

Shtetasit e mitur aktualisht ndodhen në spitalin e Lushnjes jashtë rrezikut për jetën nën mbikqyrjen e mjekëve.

Policia e Divjakës duke patrulluar përgjatë gjithë vijës bregdetare është e angazhuar në shërbim të pushuesve të cilët janë të lutur të telefonojë në numrin 112 për çdo problem duke u garantuar një reagim të shpejtë dhe profesional.