LIGJET E BIZNESIT
Një pjesë e mbishkrimeve të gjetura brenda banesës ku u vetëflijuan nënë e bijë në kombinat i përkasin librave të “Dëshmitarëve të Jehovait”.
Këtë e kanë zbuluar ekspertët e marrë nga policia dhe prokuroria për të hedhur më shumë dritë rreth kësaj ngjarjeje të rëndë.
Edhe pse në banesën e tyre, policia nuk gjeti asnjë libër që i përket këtij sekti, ekspertët u kanë thënë uniformave blu se disa prej letrave të shkruara me shkrim dore, janë thënie të shkëputura nga broshura të ndryshme të librave të Dëshmitarëve të Jehovait.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Burime zyrtare pranë policisë sqaruan se ka ende shkrime të gjetura brenda shtëpisë Josifi që nuk dihet akoma se kujt feje i përkasin.
Grupi hetimor ka dyshime se edhe e mbijetuara e vetme nga tragjedia e kësaj familje, Blerta Josifi, fsheh të vërtetën mbi sektin fetar që praktikonin dy vitet e fundit.
Në dëshminë e saj, 34 vjeçarja u ka thënë oficerëve të policisë se gjatë kësaj periudhe nuk frekuentonin asnjë besim fetar dhe se kishin vendosur që rrugën e Zotit ta gjenin vetë.
Për shkak se dëshmia e së resë, nuk i ka bindur plotësisht hetuesit, burime bëjnë me dije se Blerta Josifi do të merret sërish në pyetje, menjëherë, sapo të jetë në gjendje më të mirë mendore e shëndetësore.
Që prej 2 korrikut, Blerta Josifi ndodhet e shtruar në spitalin psikiatrik. /abcnews.al/
