Tjetër ngjarje tragjike, mbytet një fëmijë në lumin Drini i Zi

Pas mbytjes së 30-vjeçarit në lumen e Vjosës, një tjetër ngjarje tragjike ka ndodhur në Dibër.

Sipas BalkanWeb, një fëmijë është mbytur në Drinin e Zi. Ka qenë një telefonatë në Spitalin e Dibrës, që ka dhënë lajmin e trishtë, pasi ka kërkuar një ambulancë, që të shkojë për të marrë të mbyturin në afëri të Luznisë, në lumin Drini i Zi.

Ambulanca dhe grupi hetimor janë nisur drejt vendngjarjes, ndërsa nuk dihet mosha dhe identiteti i fëmijes.

Fëmija dyshohet se është mbytur shumë orë më parë dhe që e ka marrë rrjedha e lumit rreth 30 kilometra. Kanë qenë banorët e zonës, në fshatin Selane, që e kanë gjetur dhe kanë njoftuar policinë.