Kryetari i Bashkisë së Tiranës, Erion Veliaj ka lajmëruar se do të miratojë një shpërblim për klubin e Tiranës. Kjo për faktin se u shpall kampion në kategorinë superior.
Kryebashkiaku shkruan në Tëitter se ky është një lajm i mirë dhe se urimet do i bëjë sipas zakonit, jo duarbosh.
Ende nuk e dimë se cila do të jetë dhurat e Veliaj për klubin bardheblu, por mbetet të presim deri ditën e nesërme, në mbledhjen e Këshillit Bashkiak.
Rikujtojmë se Tirana u shpall kampione 2 javë para përfundimit të kampionatit. Kjo pas fitores ndaj Kukësit në ndeshjen e fundit. Në 100 vjetorin si kryeqytet dhe si klub futbolli, Tirana fitoi kupën e 25-të si kampione e Shqipërisë.
Eshte nje super lajm qe trofeu i Kampionatit qendron ne Tirane, dhe sa bukur per Tironen tone ne 100 vjetorin e Kryeqytetit e Klubit bashke! ⚽️🏆
Po siç e do zakoni, urimet nuk behen duarbosh, ndaj neser ne Keshillin Bashkiak bashke me urimin dhe shperblimi per kampionet! ⚪️🔵😉 pic.twitter.com/dCT5MYj3Ad
— Erion Veliaj #B40TiranaSummit 🇪🇺🇦🇱 (@erionveliaj) July 20, 2020