Një recetë ka qarkulluar së fundmi në rrjetet sociale.
Ajo konsiderohet e rrezikshme për shëndetin e qytetarëve.
Receta përmban konsumim të antibiotikëve dhe të oksigjenit pa përshkrimin e mjekut.
Sipas atyre që e kanë shpërndarë ky trajtim të shëron nga koronavirusi.
Mjeku shqiptar në diasporë, Fahri Beqa, ka reaguar, duke thënë se ky lajm është një “fake news” dhe se nuk duhet të përdoret pa miratimin e mjekut.
“Ky mesazh nuk ka asgjë të përbashkët me mjekësinë e bazuar në evidencë (Evidence-based medicine)”, ka deklaruar Beqa.
Edhe mjeku tjetër Besnik Ibishi ka deklaruar se terapia që po shpërndahet për vetëtrajtimin te rastet me COVID-19 është një lajm tendencioz, jo i bazuar dhe ndikon negativisht te personat e shëndoshë dhe te tek ata të prekur me COVID-19.
“Udhëzime dhe rekomandime të pranuara janë ato që vijnë nga Instituti Kombëtar i Shëndetësisë Publike dhe Organizata Botërore e Shëndetësisë”, ka deklaruar Ibishi.