“Të ra maska”/ Bardhi i drejtohet Ramës: Frika nga zgjedhjet nuk mund të mbajë peng Shqipërinë

Kryeministri Edi Rama i është përgjigjur kryedemokratit, Lulzim Basha në lidhje me hapjen 100% të listave të kandidatëve për deputetë, ku shprehet se mënyra sesi do të happen listat do të vendoset pas 30 korrikut.

Pas përgjigjes së Ramës ka reaguar Sekretari i Përgjithshëm i PD-së, Gazment Bardhi, i cili shprehet se Ramës i ka rënë maska dhe ka frikë nga zgjedhjet e ardhshme.

Nëpërmjet një postimi në Twitter, Bardhi i bën thirrje kryeministrit që t’i pranojë listat e hapura 100% si dhe të tërheqë amendamentin për koalicionet parazgjedhore.

Postimi i Bardhit:

ER i ra maska! Prano hapjen 100 % të listave dhe tërhiq amendamentin e njëanshëm të tmerrit tënd nga koalicioni opozitar. Frika e ER nga zgjedhjet nuk mund të mbajë peng Shqipërinë!