Një lëvizje e fortë vjen së fundmi nga presidenti Ilir Meta.
Ai ka pritur ambasadorët e BE në vendin tonë.
Takimi ka nisur pak më parë në zyrën e Metës në Presidencë.
Mësohet se pjesëmarrës në këtë takim janë Ambasadori i Francës, ai i Spanjës, Ambasadori i Italisë dhe Ambasadori i Britanisë së Madhe.
Në fokus të bisedës është marrëveshja e “5 qershorit” e votuar dje në Kuvend me 97 pro, dhe ndryshimet kushtetuese që pritet të votohen më datë 30 korrik.
Ambasadorët e vendeve të BE dhe Ambasadorja e SHBA në Tiranë përshëndetën votimin e marrëveshjes në Kuvend dhe thanë se ajo i hap rrugë anëtarësimit të Shqipërisë në BE. Situata politike në vend është ende e nxehtë pasi në 30 qershor pritet që mazhoranca të miratojë ndryshimet kushtetuese për hapjen e listave dhe heqjen e koalicioneve.
Mirëpo, në këtë pikë, nuk është dakord opozita jashtëparlamentare, e cila e quan atë “lëvizje të kryeministrit Rama për të kapur zgjedhjet e ardhshme.”