Situatë alarmante/ 4 viktima për 24 orë, ja sa të infektuar konfirmohen sot në Shqipëri

Pandemia vijon të shkaktojë një situatë alarmante në vendin tonë.

Sipas njoftimit të Ministrisë së Shëndetësisë gjatë 24 orëve të fundit janë bërë 420 testime, ku 83 raste janë konfirmuar pozitivë.

Gjithashtu bëhet me dije se gjatë 24 orëve të fundit kanë ndërruar jetë 4 persona të infektuar, një 57-vjeçare nga Shkodra dhe një tjetër 57 vjeçare nga Dibra, një 57-vjeçar nga Durrësi dhe një 81-vjeçare nga Tirana.

Mësohet se ka shtrime dhe në rradhët e moshave të reja.

Situata në Spitalin Infektiv është kjo: Aktualisht ka 72 pacientë të shtruar, 3 në terapi intensive, ndërsa 4 të intubuar.

Shpërndarja gjeografike:

38 Tiranë

12 Berat

6 Durrës

4 Shkodër, Elbasan Vlorë

3 Krujë dhe Kukës

2 Urë Vajgurore dhe Përmet

1 rast në Lezhë, Mirditë, Gjirokatër dhe Himarë

Ditën e fundit janë shëruar 65 qytetarë, në total 1946.

Aktualisht ka 1415 persona aktiv në vendin tonë, kryesisht në Tiranë, Durrës dhe Elbasan.

NJOFTIMI I PLOTË:

Situata e COVID19 në vendin tonë vijon të jetë serioze ndaj, edhe një herë, Ministria e Shëndetësisë dhe Mbrojtjes Sociale i drejtohet të gjithë qytetarëve dhe bizneseve të jenë të kujdesshëm në zbatimin e protokolleve të sigurisë. Respektimi i distancës, vendosja e maskës, higjiena vetjake dhe kolektive janë mënyrat e vetme për të frenuar përhapjen e pandemisë.

Situata në spitalin infektiv vijon të paraqitet e rënduar. Në 24 orët e fundit ka shtim të pacientëve edhe të moshave të reja.

Aktualisht janë të shtruar 72 pacientë në spital, 8 pacientë janë në terapi intensive në gjendje serioze dhe 4 prej tyre janë të intubuar në gjendje të rënde. Gjatë 24 orëve të fundit janë kryer 420 testime për të dyshuar të prekur, nga të cilat janë konfirmuar 83 raste pozitive.

Shpërndarja gjeografike e rasteve është si vijon: 38 raste në Tiranë, 12 në Berat, 6 në Durrës, nga 4 raste në Shkodër, Elbasan, Vlorë, 3 raste në Krujë dhe Kukës, 2 raste në Urën Vajgurore dhe Përmet, nga 1 rast në Lezhë, Mirditë, Gjirokastër, Bulqizë, Himarë.

Në 24 orët e fundit janë shëruar 65 qytetarë, duke e çuar në 1946 numrin e të shëruarve që nga fillimi i epidemisë. Në vendin tonë aktualisht janë 1415 persona aktivë, kryesisht në Tiranë, Shkodër, Krujë, Durrës.

Ministria e Shëndetësisë dhe Mbrojtjes Sociale apelon edhe një herë për më shumë kujdes, edhe gjatë pushimeve dhe sezonit turistik. Mos e uleni vigjilencën dhe respektoni rregullat e higjienës. Pastrimi dhe dezinfektimi duhet të zbatohen me rigorozitet në bare, restorante, shezlongje dhe në çdo ambient. Stafi i shërbimit në kontakt me pushuesit apo vizitorët duhet të mbajmë domosdoshmërisht maskë.

Nëse dyshoni se jeni i prekur ose keni shenja të sëmundjes duhet të qëndroni të izoluar dhe telefononi në numrin e Urgjencës Kombëtare 127. Ministria e Shëndetësisë ka vënë në dispozicion të qytetarëve linjën e gjelbër 0800 40 40 për këshillim psikologjik apo çdo informacion..

Statistika (12 Korrik 2020)