Kryeministri Edi Rama i është përgjigjur kreut demokrat Lulzim Basha dhe gjithë opozitës së bashkuar, në lidhje me propozimin e tyre për hapjen 100% të listave të kandidatëve për deputetë në zgjedhjet e ardhshme parlamentare.
Rama e ka cilësuar këtë propozim të Bashës si një hap gjysmë pozitiv dhe shkruan se mënyra sesi do hapen listat do të diskutohet pas 30 korrikut.
Nëpërmjet një postimi në Twitter, Rama thotë se koalicionet parazgjedhore nuk do të ndalen, thjesht do të standartizohen si kudo në Europë.
Postimi i kryeministrit:
Pozitiv gjysëm hapi i LBPD për hapjen e listave, që është thelbi i risive kushtetuese! Si e sa do hapen nga jo më pak se 75% në 100% kjo i takon diskutimeve pas 30 korrikut! Deri në 30 korrik ka rëndësi hapja e sotme e LBPD për listat, çka vetëm votimi 30 korriku e garanton.
Sa për koalicionet parazgjedhore ato nuk do të ndalohen, thjesht do të standartizohen si kudo në Europë,po edhe kjo do të shkruhet e votohet pas 30 korrikut,kështu që për sot i vetmi ndryshim është hapja e LBPD ndaj risisë kushtetuese që do të sjellim në 30 korrik!Mjaft pozitive!