Shpërthimi në Tiranë/ Policia zbardh ngjarjen: Arrestohet një 26-vjeçar, ja si nisi konflikti (EMRI)

Ka rënë në prangat e policisë autori i dyshuar që vendosi tritol në një banesë në Laprakë të Tiranës orët e para të mëngjesit të sotëm.

Ndërkohë uniformat blu kanë nxjerrë njoftimin ku sqarojnë arsyen se përse ka nisur konflikti dhe si është arrestuar autori.

Mësohet se mënjeherë pas ngjarjes së ndodhur, në rrugën “Tahir Sinani”, në derën e jashtme të banesës së Gj. Ll., ku shpërtheu një sasi lënde plasëse duke shkaktuar dëme materiale, u bë e mundur zbardhja e ngjarjes nga policia, identifikimi, lokalizimi, kapja dhe arrestimi i autorit të dyshuar Engjëll Myslimi, 26 vjeç, banues në Tiranë.

26-vjeçari ka pranuar autorësinë dhe është shprehur se shkaku i vendosjes së lëndës eksplozive ka qenë një konflikt që ai kishte patur me djalin e të zotit të banesës.

NJOFTIMI ZYRTAR I POLICISE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Zbardhet në kohë rekord ngjarja e ndodhur në orët e para të mëngjesit të sotëm, në rrugën “Tahir Sinani”, ku shpërtheu një sasi lënde eksplozive në derën e jashtme të banesës së shtetasit Gj. Ll.

Pas një pune intensive, profesionale dhe hetimore u bë i mundur identifikimi, lokalizimi, kapja dhe arrestimi i autorit të dyshuar të kësaj ngjarjeje.

Vihet në pranga 26-vjeçari.

Menjëherë pas ngjarjes së ndodhur në orët e para të mëngjesit të sotëm, në rrugën “Tahir Sinani”, në derën e jashtme të banesës së shtetasit Gj. Ll., ku shpërtheu një sasi lënde plasëse duke shkaktuar dëme materiale, specialistët për Hetimin e Krimit në Komisariatin e Policisë Nr. 3 vijuan punën intensive për zbardhjen e ngjarjes.

Si rezultat i veprimeve profesionale dhe punës intensive të pandërprerë hetimore të bërë nga specialistët për Hetimin e Krimit në Komisariatin e Policisë Nr. 3 u bë e mundur zbardhja e ngjarjes, identifikimi, lokalizimi, kapja dhe arrestimi i autorit të dyshuar E. M., 26 vjeç, banues në Tiranë.

26-vjeçari ka pranuar autorësinë dhe është shprehur se shkaku i vendosjes së lëndës eksplozive ka qenë një konflikt që ai kishte patur me djalin e të zotit të banesës.

Materialet do t’i referohen Prokurorisë së Rrethit Gjyqësor Tiranë, për veprën penale “Shkatërrim i pronës me eksploziv”.