Një bandë e shpërndarjes së kokainës është shkatërruar nga autoritetet italiane.
Në pranga janë vënë 17 persona, të dyshuar si pjesë e një organizate italo-shqiptare, që merrej me trafikimin dhe shpërndarjen e kokainës në disa qytete.
Opoeracioni policer nisi në qytetine Pescara dhe u shtri në provincat e Firences, Lucca, Forli, Venecia, Alessandria, Genova, Pavia dhe Modena ku organizata operonte në shitjen e kokainës.
Autoritetet italiane lëshuan 17 urdhër arreste pas operacionit masiv me pjesëmarrjen e 150 karabinierëve. Kontrolle të shumta në banesa, makina dhe prona të tjera që përdoreshin nga kjo organizatë kanë rezultuar në zbulimin dhe sekuestrimin e rreth gjysmë milion euro dhe mbi 6 mijë doza kokaine.
Emrat e të arrestuarve nuk janë bërë ende publikë nga autoritetet italiane.
