Shifrat alarmante në Kosovë, kryeministri Hoti shtrëngon masat: Nuk do të tolerojmë asnjë

Edhe Kosova bën pjesë në listën e shteteve që po kalon një situatë shqetësuese prej pandemisë.

Së fundmi kryeministri Avdullah Hoti ka vendosur që të shtrëngojë masat e sigurisë.

Pas mbledhjes së Këshillit të Sigurisë Kombëtare në një konferencë për mediat, Hoti u shpreh se nuk do të lejohen më mbajtja e riteve fetare që shkaktojnë grumbullime dhe po ashtu do ndalohen dhe tubimet.

“Ndalojmë komplet tubimet publike dhe ritet fetare”, ka thënë Hoti teksa ka kërkuar mirëkuptim nga bashkësitë fetare.

Ai shtoi ndër të tjera se do të ketë masa rigoroze gjatë ditëve në vijim.

“Sapo e kryem mbledhjen e Këshillit të Sigurisë së Kosovës ku ka një pajtueshmëri të përgjithshme për ndërmarrjen e msave shtese dhe zbatimin rigoroz të atyre masave”, u shpreh ai.

Hoti u shpreh se “masat shtesë të cilët do të propozohen sot do të jenë më shumë rigorozitete në ato që kemi marrë më herët sepse masat më efektive për të parandaluar përhapjen, janë të thjeshta. Maska, distancë, higjienë…. më lejoni të ju them se nuk do të tolerojmë asnjë dhe asgjë”.