Një deklaratë e fortë vjen së fundmi nga ish-deputeti i LSI Vangjel Tavo.
Ai ka folur në lidhje me kryesimin e BE që tashmë e ka marrë Gjermania dhe ka thënë se vendi ynë duhet të plotësojë kushtet përndryshe anëtarësimi do jetë i pamundur.
Por Tavo ka zgjedhur të flasë edhe për Partinë Socialiste duke thënë se nuk ka lidhje me mazhorancën e sotme që e quan veten Rilindje.
Sipas tij ky është i gjithi një sekt që dita-ditës po i varfëron dhe mjeron shqiptarët.
“Nuk mund të merret e mirëqenë, duhet të jemi shumë të përgjegjshëm si politike shqiptare, të plotësojmë kushte që ka bënë BE. Janë 15 kushte. Akoma jemi në proces prove, nuk është realizuar asgjë prej tyre.
Teorikisht duket sikur po bëhet përpjekje, u nis me reformën zgjedhore që sipas kushteve duhet të jetë patjetër një reformë konsensuale mazhorancë-opozitë. Është çuar në parlament. Nga ana tjetër shikojmë që edhe këtë përpjekje kryeministri i vendit përpiqet ta sabotojë duke nxitur deputetë të opozitës parlamentare, veç opozitë nuk është kjo.
Kushtet nuk mund ti plotësojë vetëm mazhoranca apo opozita. Kushtet patjetër duhet ti plotësojnë të gjitha forcat politike mazhorancë dhe opozitë, por përgjegjësia kryesore është e mazhorancës.
Mazhoranca ka treguar se nuk ka vullnet për integrimin e Shqipërisë në BE se po të kishte vullnet nuk do të vepronte ashtu si ka vepruar qoftë me opozitën, qoftë me shqiptarët. Kjo mazhorancë e sotme që e quan veten Rilindje, që nuk është më forcë politike, nuk është më Partia Socialiste se socialist jam unë, kjo është kthyer në një sekt që dita-ditës po i varfëron dhe mjeron shqiptarët”, tha ai në emisionin “Ditë e Re” në Rtv Ora.
