“Reflekto or mik” Elton Deda i drejtohet hapur Ramës: Ka plot forma që mos ti rrënosh muzikantët

Përsa i përket aktit normativ të qeverisë një ditë më parë, ku u vendos mbyllja e lokaleve të natës, diskove dhe ndalimi i muzikës pas orës 20.00 si masë kufizuese për përhapjen e pandemisë, ka ardhur sërish reagimi i kantautorit Elton Deda.

Ky i fundit i drejtohet kryeministrit Edi Rama duke kërkuar shfuqizimin e këtij akti, dhe thekson se muzikantët tashmë janë të denigruar prej 5 muajsh.

“Reflekto or mik sa nuk eshte vone.

Mos ua mbyll shqiptareve te derrmuar ate dritaren e zbehte qe u jep pak kenaqesi. Ka plot forma qe mos ti rrenosh muzikantet e bashke me ta gjithe zinxhirin e biznesit.

Shfuqizo ate aktin e cuditshem dhe bej nje te ri ku shtrengon masat. Ti do thuash “jemi keq si komb e s’marrim vesh”…por ta garantoj qe keshtu nuk do marrim vesh jo per inat, por sepse po shkojme drejt nje grope te madhe. Sa me shpejt madje.

Miqesisht, nje pjese e armates te denigruar prej 5 muajsh.”shkruan Deda.