Vazhdon debate në rrjetet sociale për aplikacionet që kanë hequr Kosovën nga harta dhe e kanë zëvendësuar me Serbinë.
Aplikacione si Apple apo Waze nuk e kanë më territorin e Kosovës të vijëzuar. Prandaj u krijua në internet nisma “Put Kosovo on the map”, që u bë shumë shpejt virale, por nuk pati impact të madh.
Ishin këngëtaret Dua Lipa dhe Rita Ora ato që reaguan të parat për këtë fakt, por u sulmuan dhe u quajtën nacionaliste e fashiste.
Ditën e sotme ka reaguar edhe aktori i humorit Florjan Binaj. Ai ka bërë një postim në rrjete sociale, ku me një printscreen tregon se sapo kalon Kukësin, në aplikacionin Ëaze të del sikur je në Serbi, ndërsa Kosova nuk ekziston gjëkundi.
“Nuk është vetëm Apple që nuk e njeh Kosovën, ka shumë aplikacione dhe programe që nuk e njohin siç është rasti i programit Ëaze(si tipi i google maps) që sapo kalon Kuksin, sipas Waze, fillon Serbia… Yahoo.it e njeh më në fund, ndërsa Google i nxjerr hartat sipas interesave te shteteve në varësi nga shteti që lidhesh me internet… Beteja për njohjen e Kosovës nuk bëhet vetëm nëpër zyra me ministra por edhe me CEO-t e aplikacioneve më të njohura!!!”, shkruan Binaj.