Mjeku urolog Artan Koni tregoi se mjekët dhe qeveria propagandonin vatra të ndryshme infeksioni, por e vërteta doli krejt e kundërta. Vatër u kthye QSUT-ja, ku në fakt duhet të ishte për shërimin e pacientëve.
Ndër të tjera, mjeku thotë se fshihet e vërteta, pasi në fakt situate nuk është nën kontroll. Sipas tij spitalet nuk janë gati dhe mjekët nuk kanë as masat mbrojtëse më primare, si maska, doreza apo veshjet special.
“Ne mendonin se vatra e infeksionit ishte kjo ishte ajo, por në fund na doli vetë QSUT vatër infeksioni. Vendi që duhet të ishte për shërimin e pacientëve, u kthye në vatër infektimi. Mund të ishte dhe spitali i Burrelit, por aty u bë se mblidheshin të gjithë të sëmurët e Shqipërisë. Për disa arsye, retorika e përgjithshme e qeverisë ishte se pas hapjes së karantinës fajin e ka populli, por mirë, në QSUT kush e ka fajin, mjekët? Mjekëve i munguan maskat, dorezat, veshjet speciale, sterilizimi, mungoi infrastruktura. Vjen ambulanca, afrohet, varet se kush e merr pacientin, si e merr. Një herë u mbyll hematologjia, pastaj një pavion tjetër”, tha Koni në emisionin Kjo Javë.
Koni: Çfarë mbahet e fshehtë?
Mjeku Koni: Po ja, thonë gjendja është në kontroll, nuk është në kontroll. Thonë spitalet janë gati, nuk janë gati. Thonë po bëhen testime aq sa duhet, por nuk po bëhen aq sa duhen. Thonë që çdo gjë është gati, kemi çdo gjë në dispozicion, nuk është se i kemi të gjitha. Ministrja do ishte më mirë të thoshte që kaq buxhet kemi, jo të thotë i kemi të gjitha. Se po t’i kishim të gjitha s’do ishim në këtë gjendje.