“Pushtohet” nga flakët Labinot Mal, është kërkuar ndërhyrja nga ajri

Një zjarr masiv ka rënë ditën e sotme në fshatin Gur i Zi, Njësia Administrative Labinot Mal, në Elbasan.

Mësohet se zjarri ka rënë në kodrinat e Cërrunjës dhe Gurit të Zi. Janë përfshirë nga flakët fillimisht shkurret dhe më pas pishat.

Flakët po favorizohen edhe nga era dhe fatkeqësisht po përhapet me shpejtësi.

Terreni i vështirë nuk favorizon ndërhyrjen e forcave zjarrfikëse, prandaj është kërkuar ndërhyrje nga ajri, nga Bashkia e Elbasanit. Momentalisht po punohet për shuarjen e flakëve.