Punonte në fermën e kana*isit, shqiptari dënohet me 7 muaj burg

Një 25 vjeçar shqiptar është dënuar nga gjykata angleze me 7 muaj burg, pasi punonte në një fermë ku rriteshin bimë narkotike.

Mediat britanike raportojnë se i riu quhej Ledio Basha dhe paguhej 2 mijë paund në muaj.

Ai u arrestua gjatë një operacioni të policisë britanike më 28 maj të këtij viti. Ndërtesa ku ai punonte ishte në rrugën Palatine, në Didsbury. Në këtë ndërtesë u sekuestruan një sasi e konsiderueshme lëndësh narkotike, që kapte vlerën e 100 mijë paund, gjithashtu u sekuestruan 275 bimë kanabis, të shpërndara në 5 vende të ndryshme të banesës.

Oficerët zbuluan gjithashtu 77 drita dhe pajisje të tjera elektrike.

Në gjykatë, Basha u shpreh nëpërmjet avokatit se kishte vetëm dy muaj që kishte filluar punë në atë ndërtesë, por nuk kishte marrë ende shumën e premtuar.

Pasi dënoi Bashën me shtatë muaj burg, gjykatësi Nicholas Dean QC i tha atij: “Ju nuk keni luajtur një rol të rëndësishëm në rritjen e këtij kanabisi. Ju nuk u shfrytëzuat, pasi pranuat punën vullnetarisht”.

Gjykatësi tha se ishte e mundur që Basha, azilkërkues, mund të deportohet pasi të vuajë dënimin e tij, por për këtë duhet të vendosin autoritete të tjera.